LETTER TO NORVAN ZAKARIAN
| hamaxosakan@gmail.com | |||||
|
ԱՄԵՆԱՅՆ ՀԱՅՈՑ ՍՈՒՏԱՍԱՆԿԱԹՈՂԻԿՈՍԻՆ ՆԱՄԱԿԸՖՐԱՆՍԱՅԻ ՀԱՅՈՑ ԹԵՄԻԱՌԱՋՆՈՐԴԻՆ
Յուլիս 20ին, «Նոր Յառաջ» հրատարակած էԱմենայն Հայոց Կաթղիկոս Գարեգին Բ.ի նամակը ուղղուած Ֆրանսայի թեմի առաջնորդ Նորվան արք.Զաքարեանին: Սոյն նամակը նախապէս մեկնաբանելով կը յանձնենք Հայոց աւանդին եւ սրբութեան նախանձախնդիր հասարակութեան ուշադրութեան.
- Կաթողիկոսի չքմեղանքները համոզիչ չեն:
- Ինքնարդարացման ճիգերը զինք կը մղեն աւելի մեծ ստախօսութիւններու:
- Նորվան Սրբազան յիմար մը չէր որ իր լսածին տար “սխալ տպաւորութիւններիազդեցութիւն” կամ ընէր “սխալեզրայանգումներ եւ ընդհանրացումներ”:
- Փարիզ օդանաւակայանի սրահին մէջ բոլոր ներկաները ականջալուր եւ վկայ են կաթողիկոսի վայրենաբարոյութեան:
- Նորվան Սրբազանի նամակին մէջ կատարուած կաթողիկոսի վայրագութեան վկայութիւնը`”Եթէ Տէր Վաչէ Քահանայ Հայրապետեանը մինչեւ 1 Յուլիս 2013 չազատէք պահակութեան պաշտօնէն եւ թէ թեմը ամսական չտայ անոր, Մայր Աթոռի հետ դու գործ չունես: Այո, դու Մայր Աթոռի հետ գործ չունես այլեւս”, Նորվան Սրբազանին ուղղուած ուղղակի կարգալուծման սպառնալիք է: Այս նոյն սպառնալիքը տառացիօրէն կաթողիկոսը ըրած է նաեւ այլ հոգեւորականներու:
- Պէտք է յստակ ըլլայ, որ Մայր Աթոռ Ս. Էջմիածինը կաթողիկոսի սեփական կալուածը չէ, որ ան ինքզինքին իշխանութիւն վերապահէ որեւէ մէկուն զրկելու անոր հետ հաղորդակցութեան մէջ ըլլալու իրաւունքէն: Մայր Աթոռ Ս. Էջմիածինը ազգային-հոգեւոր աւանդ մըն է, որ իւրաքանչիւր հայ կը ժառանգէ նախ ծնուելով հայ եկեղեցւոյ սուրբ աւազանէն, ապա անոր աւելի քան 17 դարերու սրբագործուած պատմութենէն, նաեւ` իր հայրերուն մղած հերոսական գոյապայքարի ու անոնց թափած արեամբ նուրագործուած իրաւունքով:
- Նորվան Սրբազանի նամակին մէջվկայուած յանցագործ եւ անփառունակ քահանայի մը սքեմը կաթողիկոսը իր անձինպատիւը կը համարէ: Հարց պէտք է տալ, իսկ այն աւելի քան հարիւր նուիրեալ եպիսկոպոսներու, վարդապետներու, քահանաներու եւ սարկաւագներու սքեմը, որոնց Գարեգին Բ. Ապառանցին “Հայրապետական տնօրինումով” կարգալոյծ հռչակեց, արդեօք իր պատիւը չէ՞ր…
- Դժբախտաբար ունինք կաթողիկոս մը, որ Ս. Աւետարանի խօսքին համաձայն` “Ոչ Աստուծմէ կը վախնայ եւ ոչ ալ մարդոցմէ կ’ամչնայ”: Ցարդ իր գործելաոճը կը վկայէ անբարոյական, յանցագործ, բռնամոլ, ռամկաբարոյ եւ անհաւատ անձ մը ըլլալու մասին, որուն ազգը թիւրիմացաբար վստահած է անսահմանափակ իշխանութիւն: Եւ ճիշդ ցաւն ու ամենամեծ վտագը այն է` անսահմանափակ իշխանութիւն վստահիլ ռամիկ մարդու մը, որպիսին Գարեգին Բ. Ապառանցին է:
- Ժամանակն է, որ ազգին պատասխանատուները մշակեն համակարգ մը` սահմանափակելու համար կաթողիկոսին սանձարձակութիւնները:
- Գարեգին Բ.ի կաթողիկոսանալը եկեղեցիին համար դարձաւ սրբապղծութիւն մը, իսկ ազգին` աննախադէպ ամօթանք մը:
- Գարեգին Բ. պէտք է յանձնուի ժողովրդային դատաստանին:
«Կ՛ողբամ քեզ հայոց աշխարհ, կ՛ողբամ քեզ, բոլոր հիւսիսային ազգերու մէջ վեհագոյնդ, որովհետեւ վերացան թագաւորդ ու քա-հանադ, խորհրդականդ ու ուսանողդ, վրդովուեցաւ խաղաղութիւ-նը, արմատացաւ անկարգութիւնը, խախտեցաւ ուղղափառութիւնը, հիմնաւորուեցաւ տգիտութեամբ չարափառութիւնը» (Խորենացի)
No comments:
Post a Comment