ԳԵՐԱԳՈՅՆ ՀՈԳԵՒՈՐ ԽՈՐՀՈՒՐԴԸ ԸՆԴՈՒՆԵՑ ԻՐ ՈՐՈՇՈՒՄՆԵՐՈՒՆ ՍՏՈՐՆԱԳՈՅՆԸ‏

• 
  

Nerses Vanakan (hamaxosakan@gmail.com)

Add to contacts

07/08/2013

Documents

To: lsahagian@gmail.com

Outlook Active View

5 attachments (total 2.5 MB)

Download all as zip

ԳԵՐԱԳՈՅՆ ՀՈԳԵՒՈՐ ԽՈՐՀՈՒՐԴԸ

ԸՆԴՈՒՆԵՑ ԻՐ ՈՐՈՇՈՒՄՆԵՐՈՒՆ ՍՏՈՐՆԱԳՈՅՆԸ

            “Գարեգին Բ կաթողիկոսի նախաձեռնությամբ հուլիսի 30-ին սկսվեց Գերագույն հոգևոր խորհրդի ժողով: Ժողովի զոհասեղանին էր դրված Ֆրանսիայի թեմի առաջ­նորդ Նորվան արքեպիսկոպոսի վիրավորված արժանապատվության իսպառ ոչնչացման հար­ցը”(30.07.2013 Հրապարակ):

            Այսպէս կը գուժէր հայկական մամուլը` դաւադիրներու աւազակաորջին կողմէ Նորվան Սրբազանի տուած հրաժարա­կանը ընդունուելու որոշման մասին: Արդարեւ, Նորվան Սրբա­զան եկեղեցականի քաջ կերպարով հայ հանրութեան աչքին աւելի´ բարձ­րացաւ, իսկ Էջ­միածնի Գերագոյն Հոգեւոր խոր­հուրդը ընդունած իր նենգա­միտ որոշումին համար աւելի քան երբեք հեղինակազրկուեցաւ: Ամէնուն պարզ դարձաւ, որ Գերագոյն Հոգեւոր Խոր­հուրդ կոչ­ուածը ընդամէնը գործիք մըն է կա­թողիկոսին ձեռքը, անոր չարա­կամութիւնը ամրագրող խունացած կնիք մը, ամորձատ­ուած ներքի­նիներու խումբ մը:

            Ուշադիր մը նայեցէք վերի լուսանկարին, գառնուկի մորթ հա­գած սա սե­ւազգեստ գայ­լերու վոհմակին: Ժամանակակից փարիսեցիութեան գլուխ գործոց մը կ’ուրուագծէ պատկերը` սուտ ջերմեռանդութեան մը նողկալի տեսարանը, որ ձեռ­նամած աղօթասա­ցութեան խաբէական դիր­քով, իր զոհասեղանին վրայ կ’ոչնչացնէ արժանապատուութիւնը եկեղեցական կարգով ու աստիճանով իր հաւատակից եղբօր` Նորվան Արք. Զաքարեանի: Մի´ մոռնաք, որ Յու­դան ալ Հրէից ձեռքը մատնեց Յիսուսը` նենգութեան մը համ­բոյրով:

            Հայ մատենագիրը ի զո~ւր պիտի ա­նիծէր այս ստամբակ­ները ըսելով` “Ընդ խաչա­հանունսն եղիցին” կամ “Ընդ Յուդայի գտցեն”, միեւնոյնն է, չարի գռեհկութիւնը արդէն ներ­թափանցած է մեր եկեղեցիի ղեկավարութեան սիրտը:

            Գարեգին Բ. եղաւ Հայ Եկեղեցիի անդաստանին մէջ որոմ սերմանող չարագործ մը, ներքին բաժանումներ եւ, ահաւասիկ, Երուսաղէմի Ս. Աթոռին հետ անպատասխանատու հերձուած ստեղծող չարաղանդ հերետիկոս մը, հայ հաւատացեալներու կեանքին մէջ խո­շոր գայթակղութիւն մը:

            Ազգն ու Եկեղեցին ներկայիս կը գտնուին լուրջ հրամայականի մը առջեւ` սահմա­նափակել այս բռնագործ մարդուն ձեռքը վստահուած եկեղեցիին չարաշահուած հեղի­նակութիւ­նը: Բազմաչարչար եւ հաւատաւոր հայ ժողովուր­դը արժանի´ է ունենալու աւելի լաւ հոգե­ւոր հայր մը` իսկական Կաթողիկոս մը:

      

            Առկից ձեր նկատառման կը յանձնենք.

            ա) Նորվան Սրբազանի հրաժարականնամակը, բ)  Էջմիածնի Գերագոյն ՀոգեւորԽոր­հուրդի ընդունած որոշումը, գ) ԷջմիածնիԳերագոյն Հոգեւոր Խոր­հուրդին ուղղուած ՆորվանՍրբազանի բողոքագիրը, դ) ԵրուսաղէմիԱմենապատիւ Տ. Նուրհան Արք. Մա­նուկեանինամակը ուղղուած  Գարեգին Բ.ին: